Μαύρον Θάλασσα

Το Μαύρον η Θάλασσα (κε Μαυροθαλασα) (σ' αρχαία τα χρόνε λέχκουτον Εύξεινος Πόντος) εν θάλασσαν απές μερέαν. Ευρίεται σο νοτιοανατολικόν τ' Ευρώπην και σο Μικράν Ασίαν απές. Με τ' Μεσόγειο τη Θάλασσαν συνδέν' ατέν ο Βόσπορον και η Θάλασσα Μαρμαρά. Ο Ισθμόν τη Κερτς ενών' ατέν με τη Θάλασσαν τ' Αζόφ.

Το Μαύρον η Θάλασσα σον χάρτεν.

Κράτη ντο συνορεύνε με το Μαύρον τη Θάλασσαν

Τουρκία, η Βουλγαρία, η Ρουμανία, η Ουκρανία, η Ρουσία και η Γρουζία. Το Κριμαϊκόν η χερσόνησος εν Ουκρανικόν αυτόνομον δημοκρατία. Έχ' τρανά πολιτείας τοι: Κωνσταντινούπολη, Πύργος, Βάρνα, Κοστάντα, Γιάλτα, Οδησσός, Κέρτς, Νοβοροσίσκ, Σόχι, Σουχούμι, Πότι, Βατούμι, Τραπεζούντα, Σαμψούντα.

Όνομα

Τ' όνομα «Μαύρον Θάλασσα» 'κ ευρίσκεται ασόν 13ον αιώναν πριχού. Ο Στράβων έλεεν Πόντος ατέν (δηλ. «Θάλασσαν») μαναχόν. Σ' ελλενο-ρωμαϊκά τα ζαμάναι επαίρεν τ' όνεμαν «Εύξεινος Πόντος», δηλ. «Φιλόξενον Θάλασσα». Άβούτον τ' όνεμαν εν ευφημισμόν κι επαίρεν τη θέσην τη παλαιού τ' ονεματί «Άξεινος Πόντος» (δηλ. «Αφιλόξενον Θάλασσα»), το οποίον εγράφκουτον ασόν Πίνδαρον (ση 5ου τ' αιώνα π.Χ. τ' αρχάς). Ο Στράβων ινάνευεν ντο λέχκουτον αέτς πριχού τ' ελλενικόν τον αποικισμόν. Λόγοι έσαν τα δυσκολίας ντ' είχανε ν' εφτάνε τα πρώτα τα πολιτείας εκαιπά. Άμα όντες οι Μιλήσιοι εποίκεσαν τον τόπον κι εποίκαν ατόν μέρος τ' ελλενικού τη πολιτισμού, τ' όνεμα μεταβάλκουτον κι εγέντον «φιλόξενον».

Οι Τουρκάντ έδωκαν τ' όνεμα «Μαύρον Θάλασσα» (Karadeniz, τ' Αγαίον λέγν' ατό «Άσπρον Θάλασσα», Akdeniz). Οσήμερον αβούτο τ' όνεμα επαίραν ατό κι άλλα γλώσσας: Ρουσικά: Черное Море, Βουλγαρικά: Черно море (Cherno more), Γεωργιανά: შავი ზღვა (shavi zghva), Ουκρανικά : Chorne More, Ρουμανικά: Marea Neagră, κλπ.

Φωτογραφία: Σα 1915 τη χρονίαν.

Βιβλιογραφία

• Charles King, The Black Sea: A History, 2004, ISBN 0-19-924161-9
• William Ryan and Walter Pitman, Noah's Flood, 1999, ISBN 0-684-85920-3
• Neal Ascherson, Black Sea (Vintage 1996), ISBN 0-09-959371-8
• Özhan Öztürk, Karadeniz: Ansiklopedik Sözlük (Black Sea: Encyclopedic Dictionary). 2 Cilt (2 Volumes). Heyamola Publishing. Istanbul.2005 ISBN 975-6121-00-9.

Συνδέζμαι

• Μαύρον Θάλασσα σα Commons
• Κέντρον για τ' αρχαιολογίαν τη Μαύρου τη Θάλασσας (Γερμανικά κι Αγγλικά)
• Goobix.com - Εικόνας ασό Μαύρον τη Θάλασσαν (Κούντουρονος 2005)
• Οικολογίαν τη Μαύρου τη Θάλασσας
• Φωτογραφίας ασήν Τουρκίαν
• Η Γη ασό Διάστημαν - Μαύρον Θάλασσα
• Μαύρον Θάλασσα
• Εικόνα