Η Αμάσεια (σα λατινικά: Amasia, σα τουρκικά: Amasya) εν τουρκικόν πολιτείαν κι ευρισκάται σον Πόντον, 130 χιλιόμετρα ασήν Σαμψούνταν νότεα. Εν η πρωτεύουσαν τ' επαρχίας τ' Αμάσειας κι οσήμερον εχ' πληθυσμόν 80.000 απαναφκά. Σην πολιτείαν απές δαβαίν' ο ποταμόν Ίρις.

Η Αμάσεια σον χάρτεν τη Τουρκίας
Η Αμάσεια

Ιστορία άλλαξον

Η πολιτείαν έντον τρανόν σ' ελλενιστικά τα χρόναι. Σα 300 π.Χ. ους 183 π.Χ. έτον πρωτεύουσαν τη Βασιλίου τη Πόντονος. Επεκεί εγέντον πρωτεύουσαν η Σινώπη ντ' έτον σην θάλασσαν σουμά. Σα 70 π.Χ. (3ον Μιθριδατικόν Πόλεμος) ο Πόντον έντον ρωμαϊκόν επαρχίαν Bithynia et Pontus με πρωτεύουσαν την Αμάσειαν. Σ' ατά τα χρόναι εγεννέθεν κι έζησεν εκέκα τρανόν γεωγράφον ο Στράβων.
Σα βυζαντινά τα χρόναι έτον έδρα τη Θέματι Αρμενιακόν. Σα 306 τη χρονίαν απόθανεν αδακά ο Άγιον Θεόδωρον ο Τήρων.
Σα 1075 τη χρονίαν οι Σελτζούκ επαίραν την Αμάσειαν και σα 1386 ο σουλτάνος Βαγιαζήτ Α΄ εποίκενατεν πολιτείαν τ' Οθωμανικού τ' αυτοκρατορίας.

Συνδέσμ' άλλαξον