Αλέξανδρος Παρχαρίδης

Ο Αλέξανδρος (Αλεξίκον) ο Παρχαρίδης (15 Μάρτ' 1971) έν’ Έλληνας τραγωδι͜άνος, ντο γράφτ’ δίστιχα και καϊτέδες σα ποντιακά

Εγεννέθεν σην Κοζάνη το 1971. Τα κυρουκά τ’, ο Αναστά͜ης και η Σοφία Παρχαρίδου (το γένος Αντωνιάδη) οι δύος πα έσαν Πόντιοι. Ο κύρ’ σ’ ατ’ εγεννέθεν σο Πορτοράζ’ (Πρωτοχώρι Κοζάνης) και η μάναν ατ’ εγεννέθεν σο Σεραλάρ (Αλωνάκια Κοζάνης). Ατείν' έσαν που σιφτέν εμάτσαν τον γιον ατουν να ακούει και να τραγωδεί ποντιακά καϊτέδες.

Το 1989 εσέβεν ση Σχολή Αυτοματισμών σο ΤΕΙ τη Θεσσαλονίκης άμα, καμίαν ’κ’ επρόφτασεν να τελέν’ τη Σχολήν γιατί επ’ ετότε κιάν’ ερχίνεσεν να τραγωδεί σα χορόντας και σα πανοΰρι͜α, ασού εδι͜αρμένεψεν ατον ο Χρύσανθον κι επεκεί.

Ους ατώρα εποίκεν οκτώ δίσκους με ποντιακά τραωδίας.

Έτος	Τίτλος	Συνεργασία	Εκδόσεις
1991	Καπίκιοϊ	Κώστας Σιαμίδης	Σύλλογος Ποντίων Φοιτητών & Σπουδαστών Θεσσαλονίκης
1999	Καρδίας Καμονάντας	Μιχάλης Καλιοντζίδης	Θερμαϊκός
2001	Ιάσων	Omer Beykoz/Φίλιππος Κεσαπίδης	ΜΒΙ
2003	Αντίφωνα	Μιχάλης Καλιοντζίδης/Δημήτρης Πιπερίδης/Δημήτρης Καρασαββίδης/Παναγιώτης Κογκαλίδης/Κώστας Τσιαβδαρίδης	Θερμαϊκός
2004	Ηλιοχάραμαν	Παναγιώτης Κογκαλίδης	Θερμαϊκός
2005	Πόντος, η δική μου γη	Αντώνης Παπαδόπουλος	Θερμαϊκός
2016	Αγγείου Μνήμες	Γιώργος Σιαμίδης	Σύλλογος Ποντίων Φοιτητών & Σπουδαστών Θεσσαλονίκης
2019	Ύψωμαν	Γιάννης Σανίδης	Alexis Parharidis